中山

民國108年2月28號之日記 

注意：日記衹是爲咗講下嘢，吹下水，並無注意排序同文法等物。

　　今日我久違地玩了《三國無雙五》，有種返到當初年少無知既感受耳。睇住個的仍然豪氣既動作，熟悉既遊戲人物，重有個的令人感慨萬千既背景音樂，眞係諗起咗好多野。啱啱開始玩《三國無雙五》個陣時，應該係十一歲，班上的男仔都喺都傾緊呢隻遊戲。兮，做快七年了，我毫不知道渠地既狀況啊。不禁有些欷歔，對於自己爾種不同人點接觸既生活經已啞然，但卻無勇氣去改變乎。祇係覺得，自身越來越蠢，越來越懶，越來越退步。先七年，我經已步退到呢種質素，究竟係我本身就係咁垃圾定係我自咁墮落乎？

　　自細我就鍾意就捷徑，做野唔做全套，明明自己有能力做到嘅喎呵！做做下，做全套既能力都無埋，這話能力都落後埋呵咯。睇住附近既人，個個勤奮，個個聰明，對比下自己，又不禁自歎喇。

　　但係人生無咁多若果，無話若果我早頭做好，我而家梗係好犀利，無呢種選擇，無呢種後悔藥賣既。若果有呢種後悔藥既話，就要先有後悔藥，哈嚇。

　　Ngaai就Ngaai完喇，講返《三國無雙》。信在座諸君皆有戲過呢款遊戲㗎可？我就慚愧，玩翻版，無畀Koei錢既。而家光榮嘅《三國無雙六》《三國無雙七》《三國無雙八》整得咁差，可能都要怪我地。

　　當時Koei既《三國無雙五》係我眼來，實在太震撼。有幸有部唔錯既電腦仔，可以玩得好順。嗰陣時落既應該係3DM論壇嗰個，的翻譯就古靈精怪。有漏字既、有插句㗎文字、重有直情無翻譯既，最記得既都係個個「傻柱」，我諗本來應該係「軍團」，但係唔知道點解翻譯成咁。另外仲有個的「敵羞吾去脫他衣」「敵羞吾拖沓衣媽洗他」定係乜既，係而家識幾句㗎文既我，終於知道點寫。係「敵将を討ち取ったり」「敵将を打ち取りました」。不過我最鍾意嗰句係關羽個個，唔記得點譯，大概意思應該係「我關雲長，先係眞正既三國無雙」，唔管係細個定而家，聽到呢句就High晒。所以我呢次一開局就直接喼去「關羽傳」「困難」，認真幾難嘅，不過聽到的將士既叫聲，正。

　　正因爲我玩「困難」，其實反而無個種剁餅既感覺。不過就有種自己好似自己就係關雲長，關公，同三國英傑共鬥，係一種祇有五玩得到既感覺。

　　講咁耐，其實我都希望Koei可以出返個重製版。。。我好想渠炒冷飯，我想係新時代，再次感覺下，呢個冷飯，肯定超越當今全部遊戲。。。。。而家的所謂大廠遊戲，經已畀唔到當初既感動。畀我地感動既，往往係舊遊戲同埋的廠仔整既小遊戲。。。。商業社會，可憐可悲。